Танд Энэ Өдрийн Мэнд Хүргэе!

Энэ долоо хоногийн мэдээллийн тоймд:

• EducationUSA Mongolia Подкаст цувралын шинэ дугаар
• "Америкт суралцсан миний түүх" цуврал нийтлэл-35
• "Америкт Сурах 5 Алхам" хөтөлбөр зарлагдлаа
• Мэргэжил сонголтод туслая
• Computer Science гэж юу вэ?
• EducationUSA Mongolia Podcast #66
• Тэтгэлийн мэдээлэл
• Сэтгүүлч мэргэжлээр суралцах нь
• Та мэдэх үү?
• Оюутны хотхон дахь “First-Year Interest Group”
• MBA болон Business M.S.-ын ялгаа
• Admissions Help Desk
• Зөвлөгөө авах цаг товлох
• Найзаа урих

EducationUSA Mongolia Подкаст цуврал #85

Подкастын маань энэ долоо хоногийн шинэ дугаарын зочноор Utah-ийн их сургуулийг Монгол улсын засгийн газрын санхүүжилттэй Фулбрайт тэтгэлэгтэйгээр сурч төгссөн А.Цолмон оролцлоо. 2 дахь удаагаа Фулбрайт хөтөлбөрт материалаа илгээж тэнцсэн тэрээр гэр бүлийн хамт Америкт сурхад ямар байдаг, хөтөлбөрт материал илгээхдээ юуг анхаарах талаар сонирхолтой яриа өрнүүлсэн юм.

Мөн Монгол улсын засгийн газрын тэтгэлэгтэй Фулбрайт хөтөлбөрийн талаар төдийгүй геологийн чиглэлээр Америкт сурсан сонирхолтой түүхийг энэ дугаараас сонсоорой.

Энд дарж подкастаа сонсоно уу.

"Америкт суралцсан миний түүх" цуврал нийтлэл-35

Энэ удаагийн дугаартаа бид "Fulbright хөтөлбөрийн төгсөгч, "University of Illinois, John Marshall Law School" их сургуулийн төгсөгч" их сургуулийн төгсөгч, доктор Х.Наранбулагийн ярилцлагыг нийтлэн болгон Та бүхэндээ хүргэж байна.

Та бүхэн ярилцлагыг энд дарж үргэлжлүүлэн уншаарай.

 "Америкт Сурах 5 Алхам" хөтөлбөр зарлагдлаа

Монгол дахь Америкт Төгсөгчдийн Холбоо MASA болон EducationUSA Mongolia хөтөлбөрөөс Америкт суралцах хүсэл мөрөөдөлтэй, АНУ-ын их дээд сургуульд материалаа илгээж элсэн суралцахаар зорьж буй ахлах ангийн сурагчдад зориулан Америкт сурахтай холбоотой цогц мэдээллийг агуулсан "Америкт Суралцах 5 Алхам" 2 долоо хоногийн ээлжит цахим хөтөлбөрөө зарлаж байна.

Хөтөлбөрт тавигдах шаардлагууд:

• Ахлах ангийн 9-12 дугаар ангийн эсвэл GAP year авсан сурагч байх
• АНУ-ын их дээд сургуульд өргөдөл гаргах зорилго тавьсан байх
• 2 долоо хоногийн турш 11/8-11/19 хүртэл, долоо хоног бүрийн Даваа, Лхагва, Баасан гарагийн 15:00-16:30 цагийн хооронд цахимаар сургалтад хамрагдах боломжтой байх
• Англи хэлний дунд ба түүнээс дээш түвшний мэдлэгтэй байх
• Хөтөлбөрийн өргөдлийн маягтыг бүрэн бөглөсөн байх

Өргөдөл хүлээн авах эцсийн хугацаа: 2021 оны 11 сарын 3 өдрийн 23:59 цагт

Жич: Энэхүү хөтөлбөрт ердөө 25 сурагч шалгаруулах тул та өргөдлийн маягтыг анхааралтай уншиж, үнэн зөв бүрэн бөглөх шаардлагатайг анхаарна уу. Шалгарсан оролцогчидод хөтөлбөр 100% үнэ төлбөргүй юм.

 Мэргэжил сонголтод туслая

Хараахан мэргэжлээ сонгоогүй байгаа ахлах ангийн сурагчид болон өөр мэргэжил хослуулан эзэмшихээр төлөвлөж байгаа их сургуулийн оюутнуудад зориулан бидний зүгээс долоо хоног бүр өөр мэргэжил танилцуулж дэлгэрэнгүй мэдээлэл өгөх болно.

7 хоног бүр дараах хуваариар явагдах тул энэ постыг хадгалж, Instagram дээр мөн дагавал цаг алдалгүй хэрэгтэй мэдээллийг авах боломжтой.

Даваа - Сонгогдсон мэргэжлийн тухай ерөнхий мэдээлэл
Мягмар - Уг мэргэжлээр Америкт суралцсан төгсөгчийн подкаст, түүх
Лхагва - Илүү дэлгэрэнгүй мэдээлэл, зөвлөгөө
Пүрэв - Тухайн мэргэжлээр шилдэг мэргэжилтэн бэлддэг сургуулиудын жагсаалт
Баасан - Facebook, Instagram live хийж, асуултуудад хариулах
Амралтын өдрүүдээр - Мэргэжилтэй холбоотой мэдлэг сорьсон quiz (Instagram)

 Computer Science гэж юу вэ?

Энэ 7 хоногт бидний онцлох чиглэл бол жилээс жилд эрэлт нь нэмэгдсээр байгаа Computer Science! Бидний бэлтгэсэн мэдээлэл, зөвлөгөөг уншаад, амралтын өдрүүдээр Instagram quiz-д оролцож мэдлэгээ бататгаарай. Мэргэжлээ сонгоход илүү дөхөм болно гэдэгт итгэлтэй байна.

Computer Science нь онолын хүрээнд мэдээлэл, тооцоолол, алгоритмын талаар судалж, тэдгээрийг hardware software зэрэг тооцооллын системд суулгадаг шинжлэх ухааны салбар юм. Логик сэтгэлгээ, уран сэтгэмж, асуудал шийдвэрлэх чадваруудыг шаардах бөгөөд, багууд хамтран ажилладаг, харьцангуй том салбар тул soft skill буюу багийн ажиллагааг ч мөн шаарддаг.

Тооцооллын онол, алгоритм өгөгдлийн бүтэц, програмын хэл, компьютерын элемент архитектур гэсэн үндсэн 4 салбартай ч, эдгээрээс гадна software инженер, хиймэл оюун ухаан, харилцаа холбоо, өгөгдлийн сангийн систем, параллель тооцоолол, компьютер график, үйлдлийн систем, тоон болон тэмдэгт тооцоолол зэрэг олон салбарыг хамардаг.

Ихэнх компаниудад их хэмжээний өгөгдлийг анализ, тооцоолол хийх, давтагдсан үйлдлүүдийг автоматжуулах зэрэг шаардлага өдрөөс өдөрт нэмэгдэхийн хэрээр уг салбарын мэргэжилтнүүдийн эрэлт ч өссөөр байна. Computer Science мэргэжлээр төгсөөд аль салбарт, ямар ажилд орох боломжтой тухай илүү дэлгэрэнгүй мэдээллээр Лхагва гарагт уулзацгаая.

 EducationUSA Mongolia Podcast #66

Энэ 7 хоногт Computer Science мэргэжлийн тухай мэдээлэл оруулахтай холбогдуулан, тоног төхөөрөмжийн програм хангамжийн инженер мэргэжлээр АНУ-ын “Gannon University” сургуульд суралцсан Б. Тэнгэр-ийн оролцсон Америкт суралцсан миний түүх подкастыг дахин сонсохыг санал болгож байна. Тухайн мэргэжлийн тухай илүү бодит, хэрэгтэй зөвлөгөөг уг подкастаас сонссоноор мэргэжлээ сонгоход тань илүү дөхөм болно гэдэгт итгэлтэй байна.

АНУ-ын IAM Robotics компанийн тоног төхөөрөмжийн систем хариуцсан инженерээр ажиллаж буй тэрээр Америкт суралцаж байх үеийнхээ дурсамж, туршлага болон боломжуудын талаар хуваалцахдаа "Хичээл зүтгэлийн ард маш том амжилт байдаг" хэмээн онцолсон юм. Америкт суралцах хүсэлтэй хэн бүхэнд энэхүү подкаст маань ихээхэн урам зориг өгнө гэдэгт итгэлтэй байна. Та заавал сонсоорой. 

Энд дарж подкастаа сонсоно уу.

 Тэтгэлгийн мэдээлэл

АНУ-ын Уэст Пойнт дахь Цэргийн академи, Аннаполис дахь Тэнгисийн цэргийн академи болон АНУ-ын Агаарын хүчний академид 2022-2026 онуудад тэтгэлэгтэйгээр суралцуулах сонгон шалгаруулалтын бүртгэл эхэллээ.

Энд дарж дэлгэрэнгүй мэдээлэлтэй танилцана уу. 

 Сэтгүүлч мэргэжлээр суралцах нь

Дэлхийн эргэн тойронд буй хүмүүсийн дунд юу болж байгаа танд сонирхолтой санагддаг уу? Тийм бол сэтгүүлч мэргэжил танд зохино! IIE Open Doors-ийн тайланд дурдсанаар өнгөрсөн жил 21,000 гаруй гадаад оюутан АНУ-д сэтгүүлч мэргэжлээр суралцжээ.

АНУ-д сэтгүүлч мэргэжлээр суралцах тухай илүү дэлгэрэнгүй мэдээлэл авахыг хүсвэл энд дарна уу. 

 Та мэдэх үү?

АНУ-д Латви улсын 274 оюутан суралцдаг гэдгийг та мэдэх үү? Илүү сонирхолтой баримтуудыг энд дарж үзээрэй.

Хэрэв та АНУ -д суралцах хүсэлтэй бол EducationUSA Mongolia хөтөлбөрийн зөвлөхүүдтэй уулзаж цаг товлон зөвлөгөө мэдээлэл аваарай.

 Оюутны хотхон дахь "First-Year Interest Group"

Оюутны хотхон дахь “First-Year Interest Group”-д нэгдэх нь их сургуулийн анхны жилдээ шинэ найз нөхөд, ментортой болоход тусална.

Илүү дэлгэрэнгүй мэдээлэлтэй танилцахыг хүсвэл энд дарна уу. 

 MBA болон Business M.S.-ын ялгаа

Бизнесийн зэргээр суралцах хүсэлтэй байгаа бол MBA болон Business M.S.-ын ялгааг тайлбарласан, танд туслах дараах нийтлэлийг уншаарай.

Энд дарж нийтлэлтэй танилцана уу. 

 Admissions Help Desk

АНУ-ийн их дээд сургуулийн өргөдөлийн маягт бөглөхөд асуух, туслалцаа авах зүйлс гарч байна уу?

Хэрэв тийм бол MASA болон EducationUSA Mongolia нь цахим Admission Help Desk-тэй боллоо. Та цаг товлон баасан гараг бүр EducationUSA Mongolia-н зөвлөхүүдтэй холбогдож зөвөлгөө аваарай.

 Зѳвлѳгѳѳний цаг товлох

АНУ-д суралцах талаар албан ёсны цогц мэдээлэл, зөвлөгөөг бидэнтэй ганцаарчилсан уулзалтын цаг товлон үнэ тѳлбѳргүйгээр хүлээн аваарай.   

Энд дарж цаг товлоно уу.

 Та EducationUSA Mongolia Newsletter-т найзуудаа уриарай

Энд дарж урина уу.