Танд Энэ Өдрийн Мэнд Хүргэе!

Энэ долоо хоногийн мэдээллийн тоймд:

• EducationUSA Mongolia Подкаст цувралын шинэ дугаар
• "Америкт суралцсан миний түүх" цуврал нийтлэл 28
• "Virtual Summer Camp-2021" хөтөлбөр өндөрлөлөө
• "Enrichment Program"-II үндэсний хөтөлбөрийн хаалтын арга хэмжээ боллоо
• АНУ-ын ЭСЯ-наас 2021 оны 9-р сард төлөвлөсөн ажил
• EducationUSA Mongolia хөтөлбөрт дадлагажигч шалгаруулж авна!
• Энэ долоо хоногийн шинэ үгс
• Зөвлөгөө авах цаг товлох
• Найзаа урих

EducationUSA Mongolia Подкаст цуврал #77

Америкт Суралцсан Миний Түүх цуврал подкастын энэ удаагийн зочноор АНУ-ын “American University”-г олон улсын харилцаа мэргэжлээр суралцаж төгссөн Н.Ананд оролцож Америкт сурсан түүх, дурсамжаасаа хуваалцсан юм. Залууст хандан “зоригтой бай” хэмээн захисан түүний подкастыг сонсож энэ долоо хоногийг эрч хүчээр дүүрэн өнгөрүүлээрэй.

Америкт суралцах хүсэлтэй хэн бүхэнд энэхүү подкаст ихээхэн урам зориг өгнө гэдэгт итгэлтэй байна.

Та энд дарж подкастаа сонсоно уу. 

"Америкт суралцсан миний түүх" цуврал нийтлэл 28

Энэ удаагийн зочноор Columbia их сургуулийн төгсөгч Б. Дуламзаяа өөрийн Америкт суралцсан түүхээсээ хуваалцсан билээ.

Та энд дарж ярилцлагыг вэб хуудсаас үргэлжлүүлэн уншаарай.

"Virtual Summer Camp-2021" хөтөлбөр өндөрлөлөө

Монгол дахь Америкт Төгсөгчдийн Холбоо (MASA), EducationUSA Mongolia хөтөлбөрөөс 9-12 дугаар ангийн сурагчдад зориулан "Цахим Зуны Зуслан" буюу "Virtual Summer Camp-2021" хөтөлбөрийг 2 дахь жилдээ амжилттай зохион байгуулж өнөөдөр тус хөтөлбөрийн хаалтын үйл ажиллагаа болж өндөрлөлөө.

Тус хөтөлбөрийн цахим хаалтын үйл ажиллагаанд АНУ-ын Элчин Сайдын Яамны Олон нийттэй харилцах албаны ажилтан Жон Двэйр, EducationUSA хөтөлбөрийн Ази, Номхон далайн бүсийн зохицуулагч Винсент Флорес, Америкт төгсөгчдийн холбооны Ерөнхийлөгч, EducationUSA Mongolia хөтөлбөрийн захирал Э.Билгүүн нар оролцож шилдэг оролцогчдод гэрчилгээг гардуулж баяр хүргэлээ.

Зуны Цахим Зуслан-II хөтөлбөрийг зохион байгуулахад дэмжиж, хамтарч ажилласан нийт хувь хүн, албан байгууллагуудад Монгол дахь Америкт төгсөгчдийн холбоо (MASA) болон EducationUSA Mongolia хөтөлбөрийн зүгээс талархал илэрхийлье.

Энд дарж дэлгэрэнгүй мэдээлэлтэй танилцана уу. 

 "Enrichment Program"-II үндэсний хөтөлбөрийн хаалтын арга хэмжээ боллоо

ЕБС-ийн Англи хэлний багш нарт зориулсан "Enrichment Program"-II үндэсний хөтөлбөрийн хаалтын арга хэмжээ боллоо.  

Монгол дахь Америкт Төгсөгчдийн Холбоо (MASA)-с санаачлан АНУ-ын Элчин сайдын яам, Spirit of America, EducationUSA Mongolia хөтөлбөр, Лингорс, Xreading цахим номын сангийн Монгол дахь төлөөлөгч байгууллага хамтран улсын болон хувийн бүх Ерөнхий боловсролын сургуулийн Англи хэлний багш нарт зориулан зохион байгуулсан "ENRICHMENT-II" хөтөлбөр 2021 онд хоёрдахь удаагаа амжилттай зохион байгуулагдаж өнөөдөр хөтөлбөрийн хаалтын ёслолын арга хэмжээ болж өндөрлөлөө.

Тус хөтөлбөрийн цахим хаалтын үйл ажиллагаанд АНУ-ын Элчин Сайд Майкл Клечески албаны хүмүүсийн хамтаар, Spirit of America-ийн СЕО Жим Хэйк албаны хүмүүсийн хамтаар, EducationUSA хөтөлбөрийн Ази, Номхон далайн бүсийн зохицуулагч Винсент Флорес, Америкт төгсөгчдийн холбооны Ерөнхийлөгч, EducationUSA Mongolia хөтөлбөрийн захирал Э.Билгүүн, Лингорсын захирал М.Оюунтуяа нар оролцож хөтөлбөрийн үндэсний ялагч шилдэг багш нарт шагнал гардуулж баяр хүргэлээ.

Хөтөлбөрийг хамтран зохион байгуулсан U.S. Embassy - Ulaanbaatar, Mongolia, Lingors, Spirit of America Worldwide, Xreading хамт олонд талархал илэрхийлье!
Үндэсний хэмжээнд зохион байгуулагдсан Enrichment-II хөтөлбөрт 1000 багшийг манлайлан тус хөтөлбөрийн үндэсний ялагч болсон ТОП-29 багштай танилцана уу.

 АНУ-ын ЭСЯ-наас 2021 оны 9-р сард төлөвлөсөн ажил

Та бүхэнд АНУ-ын ЭСЯ-наас 2021 оны 9-р сард төлөвлөсөн ажил, олон нийтэд нээлттэй хөтөлбөр, тэтгэлэгт болон солилцооны хөтөлбөрүүдийн талаар мэдээлэл хүргэж байна.

Та энд дарж дэлгэрэнгүй мэдээлэлтэй танилцана уу. 

 EducationUSA Mongolia хөтөлбөрт дадлагажигч шалгаруулж авна!

Хэрэв та дадлага хийх сонирхолтой, Англи хэл болон компьютерийн зохих түвшний мэдлэгтэй, өөрийгөө хөгжүүлэх чин хүсэл эрмэлзлэлтэй ахлах ангийн сурагч эсвэл бакалаврын түвшний оюутан бол MASA болон EducationUSA Mongolia хөтөлбөрт дадлага хийж, өөрийгөө хөгжүүлж, нийгэмд тустай олон төсөл хөтөлбөр зохион байгуулахад оролцох боломжтой юм.
Манай "ДАДЛАГАЖИГЧ ХӨТӨЛБӨР"-т амжиж доорх холбоосоор орж бүртгүүлээрэй!

Материал хүлээн авах эцсийн өдөр: 2021 оны 9-р сарын 10

 Энэ долоо хоногийн шинэ үгс

 Зѳвлѳгѳѳний цаг товлох

АНУ-д суралцах талаар албан ёсны цогц мэдээлэл, зөвлөгөөг бидэнтэй ганцаарчилсан уулзалтын цаг товлон үнэ тѳлбѳргүйгээр хүлээн аваарай. 

Энд дарж цаг товлоорой.  

 Та EducationUSA Mongolia Newsletter-т найзуудаа уриарай

Энд дарж урина уу.