Танд Энэ Өдрийн Мэнд Хүргэе!

Энэ долоо хоногийн мэдээллийн тоймд:

• EducationUSA Mongolia Подкаст цувралын шинэ дугаар
• "Америкт Суралцсан Миний Түүх" цуврал нийтлэлийн шинэ дугаар
• "Enrichment-II" хөтөлбөрийн 1 болон 2-р шатыг тэргүүлж буй багш нар тодорлоо
• “Зуны Цахим Зуслан-2021” хөтөлбөрийн зочин илтгэгчид
• South Carolina мужид сурцгаая!
• "АНУ-ын Дээд Боловсролын Цахим Үзэсгэлэн Яармаг-2021"
• Мөнгөө зөв зарцуулж сурцгаая
• Бэлтгэлээ базаасан уу?
• Олон улсын зуны зуслан хөтөлбөр
• Хүлээлгийн лист гэж юу вэ?
• Америкт суралцах 5 дахь алхам
• Долоо хоногийн шинэ үгс
• Зөвлөгөө авах цаг товлох
• Найзаа урих

EducationUSA Mongolia Подкаст цуврал #73

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын Засгийн газрын 100% тэтгэлэгтэй GlobalUGRAD хөтөлбөрийн төгсөгч, одоогоор Фулбрайт хөтөлбөрт шалгараад буй Г.Намуун оролцлоо. Тэрээр тэтгэлэгт хөтөлбөрүүдэд тэнцсэн туршлага дээрээ үндэслэн тэтгэлэгт хөтөлбөрт амжилттай материал илгээхэд хэрхэн өөрийгөө үр дүнтэй бэлдэж, өргөдлөө илгээх тал дээр үнэтэй зөвлөгөө өгсөн төдийгүй АНУ-ын боловсролын системийн гол онцлогуудыг дурдсан юм.

АНУ-д суралцахаар төлөвлөж байгаа, UGRAD болон Fulbright тэтгэлэгт хамрагдах хүсэлтэй хэн бүхэнд энэхүү подкаст маань ихээхэн урам зориг өгнө гэдэгт итгэлтэй байна. Та заавал сонсоорой.

Энд дарж подкастаа сонсоно уу.

"Америкт Суралцсан Миний Түүх" цуврал нийтлэл-25

Энэ удаагийн зочноор АНУ-ын Fulbright хөтөлбөрийн төгсөгч, Unread Media-гийн гүйцэтгэх захирал Б. Батзаяа оролцож, өөрийн Америкт суралцсан түүхээсээ хуваалцсан билээ. 

Энд дарж нийтлэлээ уншина уу. 

"Enrichment-II" хөтөлбөрийн 1 болон 2-р шатыг тэргүүлж буй багш нар тодорлоо

Монгол дахь Америкт Төгсөгчдийн Холбоо (MASA)-с санаачлан EducationUSA Mongolia хөтөлбөр, Лингорс,  Xreading цахим номын сангийн Монгол дахь төлөөлөгч байгууллага болон АНУ-ын Элчин сайдын яам, Spirit of America хамтран улсын болон хувийн бүх Ерөнхий боловсролын сургуулийн Англи хэлний багш нарт зориулан "ENRICHMENT-II" хөтөлбөрийг 2021 онд хоёрдахь удаагаа амжилттай зохион байгуулж байна. 

2020 онд зохион байгуулсан "Enrichment-I" хөтөлбөрт 500 Англи хэлний багш шалгаран оролцож ТОП-20 багш шалгарч байсан бол 2021 онд "Enrichment-II" хөтөлбөрт Монгол улсын өнцөг булан бүрээс Ерөнхий боловсролын сургуулийн Англи хэлний 1000 багш шалгарч оролцсон нь энэхүү хөтөлбөр ямар өргөн цар хүрээнтэй зохион байгуулагдсаныг харуулж байна.

Та энд дарж дэлгэрэнгүй мэдээлэлтэй танилцаарай. 

“Зуны Цахим Зуслан-2021” хөтөлбөрийн зочин илтгэгчид

Америкт Төгсөгчдийн Холбоо (MASA) болон EducationUSA Mongolia хөтөлбөрөөс зохион байгуулж буй “Зуны Цахим Зуслан 2021” хөтөлбөр маань амжилттай үргэлжилж байна.

Манай цахим зуслангаар зочилж хувийн санхүүгээ хэрхэн удирдах талаар үнэтэй зөвлөгөөнүүдийг сурагчдад маань өгсөн Санхүүгийн Коуч, Хадгаламж Өлсөхөөс Эхэлнэ, Тархины Блок зэрэг номын зохиолч Лектор Мөнгөн танд баярлалаа.

Мөн “Зуны Цахим Зуслан 2021” хөтөлбөр оролцож хүүхдийн найрамдал зуслангийн багшаар ажилласан талаараа сонирхолтой яриа өрнүүлсэн М.Намуун танд баярлалаа.

“Зуны Цахим Зуслан 2021” хөтөлбөрт оролцож өглөөний дасгалын ач холбогдлын талаар цахим зуслангийн оролцогчдод хэрэгтэй мэдээлэл хуваалцсан Т.Мөнхбат танд баярлалаа.

“Зуны Цахим Зуслан 2021” хөтөлбөрт оролцож интернет хөгжил дагасан гэмт хэргийн талаар чухал мэдээлэл хуваалцсан Women for Change NGO / Өөрчлөлтийн төлөөх Эмэгтэйчүүд ТББ-т баярлалаа.

Бидний урилгыг хүлээн авч хөтөлбөрт өөрийн хувь нэмрийг оруулсанд MASA & EducationUSA Mongolia-ийн баг хамт олны зүгээс талархлаа илэрхийлье.

 South Carolina мужид сурцгаая!

Үзэсгэлэнт далайн эрэг болон ой модоор баялаг South Carolina мужид суралцаарай. Өмнө зүгт байрлах энэхүү муж нь урлаг соёлоороо ихээхэн алдартай. South Carolina мужид таны сонгож болох 60 гаруй коллеж болон их дээд сургуулиуд үйл ажиллагаагаа явуулж байна.

 "АНУ-ын Дээд Боловсролын Цахим Үзэсгэлэн Яармаг 2021"

"АНУ-ын Дээд Боловсролын Цахим Үзэсгэлэн Яармаг 2021"-д оролцох 45 их дээд сургуулиудаас танилцуулж байна. Та Цахим Үзэсгэлэнд оролцсоноор эдгээр их дээд сургуулиудын төлөөлөгчидтэй холбогдож санал болгож буй хөтөлбөрүүд, элсэлтийн ерөнхий шаардлага, оюутны хотхоны амьдрал, тэтгэлэгт хамрагдах боломжуудын талаар дэлгэрэнгүй мэдээлэл авах боломжтой юм.

Үзэсгэлэн 2021 оны 8-р сарын 7-ны өдрийн 10:00-13:00 цагт болно. Та энэхүү арга хэмжээнд оролцохыг хүсвэл дараах холбоосоор орж бүртгүүлээрэй.

 Мөнгөө зөв зарцуулж сурцгаая

АНУ-д суралцаж байх үедээ өөрийн төсвийг гаргаж, өдөр тутмын зардлаа тооцож сурах нь амжилттай оюутан байхад хэрэгтэй чадвар юм.
 

Та энд дарж дэлгэрэнгүй мэдээлэлтэй танилцаарай. 

Бэлтгэлээ базаасан уу?

Бэлтгэлтэй байцгаая! EducationUSA-ээс бэлтгэн хүргэж буй бичлэгүүдийг үзэж хэрхэн АНУ-ын их дээд сургуулиудад өргөдөлийн материал илгээх талаар суралцаарай!

Энд дэлгэрэнгүй мэдээлэлтэй танилцана уу. 

Олон улсын зуны зуслан хөтөлбөр

Fort Hays State University-ийн зүгээс та бүхнийг зуны цахим хөтөлбөртөө урьж байгааг дуулгахад таатай байна.

Тухайн хөтөлбөрийн хүрээнд Fort Hays State University-г танилцуулах, гадаадад суралцах боломжуудыг судлах, Америкийн соёлын талаар хуваалцах ба бусад хөгжилтэй үйл ажиллагаануудыг зохион байгуулах болно. Та бүхэн энэхүү хөтөлбөрт хамрагдаж гадаадад суралцах боломжуудаа нээн, соёлын арга хэмжээнд оролцон хэрхэн амжилттай оюутан болох талаар зөвлөгөө авна уу.

Хүлээлгийн лист гэж юу вэ?

АНУ-ын их дээд сургуулиудын хүлээлгийн листэнд орно гэдэг нь хэдийгээр та тухайн сургуульд албан ёсоор тэнцээгүй ч суудал суларсан тохиолдолд таныг оруулна гэсэн үг юм.

Энд дарж дэлгэрэнгүй мэдээлэлтэй танилцаарай. 

Америкт суралцах 5 дахь алхам

Америкт сурах 5 алхмын хамгийн сүүлийн 5 дахь алхам бол явахдаа бэлдэх үйл явц юм. Өөрийн аяллын төлөвлөгөөгөө гаргаж, сургуулиас зохион байгуулдаг чиглүүлэх сургалтдаа бүртгүүлж, хэрэгтэй материалаа цуглуулж, сургуульдаа мэдэгдээрэй.

Энд дарж дэлгэрэнгүй мэдээлэл авна уу.

 Долоо хоногийн шинэ үгс

 Зѳвлѳгѳѳний цаг товлох

АНУ-д суралцах талаар албан ёсны цогц мэдээлэл, зөвлөгөөг бидэнтэй ганцаарчилсан уулзалтын цаг товлон үнэ тѳлбѳргүйгээр хүлээн аваарай. 

Энд дарж цаг товлоорой.  

 Та EducationUSA Mongolia Newsletter-т найзуудаа уриарай

Энд дарж урина уу.