Танд Энэ Өдрийн Мэнд Хүргэе!

Энэ долоо хоногийн мэдээллийн тоймд:

• "Америкт суралцсан миний түүх" цуврал нийтлэл-72
• Америкт Суралцсан Миний Түүх Podcast #102
• "Америкт Төгсөгчдийн Үндэсний Чуулган" зохион байгуулагдлаа.
• АНУ-ын их дээд сургуулийг хэрхэн ангилдаг тухай
• Тэтгэлгийн мэдээлэл
• Зөвлөгөө авах цаг товлох
• Найзыгаа урих

 Америкт Суралцсан Миний Түүх" цуврал нийтлэл-72

Энэ удаагийн маань дугаарт АНУ-ын шилдэг их сургуулиудын нэг болох Columbia University-д 100 хувийн тэтгэлэгтэй Fulbright хөтөлбөрөөр суралцаж гадаад харилцааны чиглэлээр магистрын зэргээ хамгаалсан Г.Түвшинзаяа оролцлоо. Тэрээр бакалаврын зэрэгтээ ХБНГУ-д суралцсан бөгөөд тус хоёр орны ялгаа болон хэрхэн Fulbright хөтөлбөрт тэнцсэн талаараа бидэнтэй хуваалцлаа. Түүний Америкт бүтээсэн сайхан дурсамж, хүнд хэцүү сорилтын үеүд болон мэргэжил сонголтын талаар өгсөн зөвлөгөөг уншихыг хүсвэл доорх линкээр нэвтрээрэй.

Нийтлэлийг унших бол энэхүү холбоосоор орно уу

Америкт Суралцсан Миний Түүх Podcast #102

“Монгол дахь Америкт Төгсөгчдийн Холбоо”-ны 15 жилийн ойд зориулан хүргэж буй подкастын маань тусгай дугаарын зочноор University of Denver, Colorado-д магистрын зэрэг хамгаалсан Д.Жаргалсайхан /Дефакто Жаргалсайхан/ оролцлоо. Тэрээр “Монгол дахь Америкт Төгсөгчдийн Холбоо” /MASA/-ны хоёр дахь Ерөнхийлөгчөөр ажиллаж байсан юм. Түүний Америкт суралцсан түүх төдийгүй MASA-ны үйл ажиллагааны түүх, цаашлаад оюутан залуучуудад зориулан өгсөн үнэт зөвлөгөөг энэхүү подкастын дугаараас сонсоорой. Энэхүү яриа нь тус дугаарыг сонссон хэн бүхэнд урам зориг, эрч хүч өгнө гэдэгт итгэлтэй байна.

Подкастыг сонсох бол энд
Soundcloud-оос бол энд
Anchor-оос бол энд

"Америкт Төгсөгчдийн Үндэсний Чуулган" зохион байгуулагдлаа.

MASA буюу “Монгол дахь Америкт Төгсөгчдийн Холбоо”-ноос зохион байгуулж буй зургаа дахь “Америкт Төгсөгчдийн Үндэсний Чуулган” нь 2022 оны 12 сарын 10-ны бямба гарагт Туушин зочид буудлын Соёмбо танхимд амжилттай зохион байгуулагдаж өндөрлөлөө.

Тус чуулганы үндсэн зорилго нь Америкт төгсөгчдийн холбоод өнгөрсөн хугацаанд хийж бүтээсэн ажил, үйл ажиллагаагаа тайлагнаж, ирээдүйн төлөвлөгөө, чиглэлээ тодорхойлоход оршдог билээ.

Чуулганд АНУ-ын элчин сайд Ричард Буанган тэргүүтэй зочид, MASA-ны үе үеийн гишүүд, FLEX Alumni Mongolia, Mongolia Access Alumni Association, LEAD Alumni Association төгсөгчдийн холбооны төлөөлөл болон АНУ-ын төрийн департментаас санхүүжилттэй тэтгэлэгт хөтөлбөрүүдийн төгсөгчид болон хувийн санхүүжилтээр Америкт суралцаж төгссөн нийт 100 гаруй хүн хүрэлцэн ирсэн юм. Мөн энэ өдөр MASA-аас зохион байгуулсан “GoMASA” жижиг төслийн уралдааны ялагчдыг зарлаж, ялагчдад болон үндэсний хэмжээнд зохион байгуулсан Enrichment-III хөтөлбөрийн шилдэг оролцогч багш нарын төлөөллүүдэд шагнал гардуулав. 

АНУ-ын их дээд сургуулийг хэрхэн ангилдаг тухай

Бид өдөр бүр маш олон том жижиг шийдвэрүүдийг гаргаж байдаг. Гэхдээ та АНУ-ын аль их дээд сургуулийн төрөл танд илүү тохирох талаар бодож байсан уу?
Дараах 4 оюутны төрөлтэй танилцаад та өөрийгөө алинд нь илүү тохирох талаар бодоорой.

#StudyWithUS

Тэтгэлгийн мэдээлэл

#ScholarshipAlert: Сургалтын төлбөрийн 100%-ийн тэтгэлэг хайж байна уу? Maryville College-д олон улсын оюутнуудад зориулсан тэтгэлэг зарлагддаг.

Энэхүү тэтгэлэг нь сургалтын амжилт гаргасан, манлайлах ур чадвартай, оюутны хотхонд олон улсын хамтын нийгэмлэгт хувь нэмэр оруулах тодорхой төлөвлөгөөтэй мөн санхүүгийн хэрэгцээтэйгээ тодорхойлж чадсан олон улсын оюутанд олгогдох юм. Оюутнууд тус тэтгэлэгт хамрагдахын тулд тусдаа өргөдөл гаргана. Энэ нь зөвхөн нэгдүгээр курсийн олон улсын оюутнуудад зориулагдсан юм.
Дэлгэрэнгүй мэдээллийг доорх холбоосоор аваарай

Дэлгэрэнгүй мэдээллийг энэхүү холбоосоор авна уу

 Individual Advising Session

Америкийн их дээд сургуульд суралцах хүсэл тэмүүлэлтэй оюутан сурагчдад бид долоо хоног бүрийн Лхагва, Баасан гарагуудад ганцаарчилсан зөвлөгөө өгч байна. Тус ганцаарчилсан зөвлөгөөг биечлэн, цахимаар гэсэн 2 төрлөөр өгдөг ба зөвлөгөө мэдээлэл авахыг хүсэж буй оюутан залуус манай EducationUSA Mongolia пэйж хуудсаар дамжуулан цаг авдаг билээ.

 Зѳвлѳгѳѳний цаг товлох

АНУ-д суралцах талаар албан ёсны цогц мэдээлэл, зөвлөгөөг бидэнтэй ганцаарчилсан уулзалтын цаг товлон үнэ тѳлбѳргүйгээр хүлээн аваарай. 

Энд дарж цаг товлоно уу.

Та EducationUSA Mongolia Newsletter-т найзуудаа уриарай

Энэхүү холбоосоор