EducationUSA Mongolia хөтөлбөр нь олон улсын боловсролын долоо хоногийн хүрээнд EducationUSA хөтөлбөрийн Зүүн Ази, Номхон далайн орнуудтай хамтран цахим боловсролын үзэсгэлэнг METAVERSE дээр 2022 оны 11 дүгээр сарын 15-ны өдөр амжилттай зохион байгууллаа. Тус цахим үзэсгэлэн нь

1. Ерөнхий боловсролын сургуулийн зөвлөхүүд 
2. Их дээд сургуулиудын хамтын ажиллагаа гэсэн 2 хэсгээс бүрдэж АНУ-ын их дээд сургуулиудтай уулзаж хамтын ажиллагаа эхлүүлэх болон элсэлтийн талаар дэлгэрэнгүй мэдээлэл зөвлөгөө авлаа. 

Энэхүү боловсролын үзэсгэлэнд улсаа төлөөлөн Монгол, Өмнөд Солонгос, Филиппин, Тайвань, Вьетнам, Хонгконг, Япон, Индонез зэрэг улсын ЕБС-ууд болон их дээд сургуулиуд оролцож АНУ-ын 90 гаруй их дээд сургуулиудтай уулзаж, хамтран ажиллах талаар мэдээлэл солилцлоо. 

Монгол Улсаас ЕБС-ийн сургуулиудыг төлөөлж

• Монгол тэмүүлэл ЕБС
• 1 дүгээр ЕБС
• Оюунлаг ЕБС
• Монгол дах Америк сургууль гэх мэт ЕБС-ууд оролцсон юм. Дараах бичлэгээс Метаверс үзэсгэлэн яармагт Монгол ахлах сургуулиуд хэрхэн оролцсон талаар мэдээлэл авна уу.

Монгол Улсаас их дээд сургуулиудыг төлөөлж:

1. Монгол улсын их сургууль
2. Санхүү эдийн засгийн их сургууль
3. Шинэ Монгол Технологийн дээд сургууль оролцлоо. Дараах бичлэгээс Метаверс үзэсгэлэн яармагт Монгол их дээд сургуулиуд хэрхэн оролцсон талаар мэдээлэл авна уу.

Монголд анх удаа Gather Platform-г ашиглан METAVERSE дээр зохион байгуулагдсан цахим үзэсгэлэнд амжилттай оролсон сургуулиуддаа баяр хүргэе.